Gjilani ka mbetur pa trajner pas shkarkimit të Ardian Nuhiut. Klubi i Superligës së Kosovës ka nisur menjëherë punën për të gjetur pasuesin e tij.
Në media u përfol emri i Skënder Gegës, por vetë trajneri ka mohuar që të jetë kontaktuar nga drejtuesit e klubit. “Nuk jam kontaktuar nga Gjilani, për herë të parë po e dëgjoj këtë gjë”, tha ai për Neësport.al.
Një alternativë tjetër për stolin është Bekim Isufi, i cili shihet si kandidati kryesor, edhe për faktin se është djali i qytetit.
Aktualisht, Isufi ndodhet në “pole position” për të marrë drejtimin e ekipit. Ndërkohë, Gega mbetet pa skuadër që prej largimit të tij nga Partizani. Nuk dihet ende se kur dhe ku do të rikthehet ai në pankinë.
