Shqipëria U-15 e femrave e mbylli turneun e UEFA-s me një fitore 4-1 ndaj Kosovës. Ndeshja tregoi edhe një herë lidhjen vëllazërore.
Shqipëria e drejtuar nga Rabie Tota mbylli me 3 fitore në po aq ndeshje turneun. Në fund të ndeshjes, lojtaret shqiptare ndaluan festën dhe shkuan të ngushëllonin ato të Kosovës.
Dy-tre prej tyre ndërprenë festën dhe ndihmuan kundërshtaret që ishin të shtrira nga mërzia. Tota kërkoi nga skuadra që të gjithë të përqafonin lojtaret e Kosovës.
