Jorgo Pëllumbi është një nga emrat më të përfolur në këtë merkato verore. Për mbrojtësin 25-vjeçar kanë shfaqur interes Dinamo dhe Tirana, ndërsa së fundmi edhe kampionia e Kosovës, Drita e Gjilanit.
Klubi kosovar, që siguroi fazën e grupeve të Ligës së Konferencës, raportohet se është shumë pranë arritjes së marrëveshjes me futbollistin.
Sipas “Gazeta Olle”, akordi mund të finalizohet në ditët e ardhshme. Pëllumbi, në rast se bashkohet me Dritën, do të shtonte siguri në repartin mbrojtës të skuadrës.
Sezonin e fundit ai ishte pjesë e Debreçenit në Hungari, ku zhvilloi 14 ndeshje dhe shënoi 1 gol. Në karrierë ka luajtur gjithashtu për Skënderbeun, Varazdin dhe Kukësin.
