Sulmuesi Kevin Zefi ka firmosur zyrtarisht me skuadrën e Sligo Rovers, duke u rikthyer në futbollin irlandez për të vijuar karrierën e tij.
Kontrata e bashkëpunimit mes palëve është e vlefshme deri në përfundim të sezonit aktual, i cili mbyllet në muajin nëntor. Përpara këtij kalimi, 21-vjeçari i lindur në Dublin kreu një fazë stërvitore me Vllazninë e Shkodrës në fund të vitit të kaluar, por palët nuk arritën një akord financiar.
Zefi, i cili së fundmi ishte pjesë e sektorit të moshave te Roma, ka luajtur më parë edhe për akademitë e Shamrock Rovers dhe Interit. Sulmuesi nuk ka regjistruar ende asnjë paraqitje zyrtare në nivel profesional dhe nuk ka zbritur në fushë përgjatë vitit 2026.
Ai pritet të vihet menjëherë në dispozicion të stafit teknik dhe mund të përfshihet në skuadër që për sfidën e radhës ndaj Bohemians, e cila do të zhvillohet më 29 maj.
