Mesfushori Luis Hasa pritet t’i bashkohet Shqipërisë për dy ndeshjet miqësore të muajit qershor.
Futbollisti 22-vjeçar është parë në Tiranë, ku do të vihet nën urdhrat e trajnerit Rolando Maran për përballjet ndaj Izraelit dhe Luksemburgut, të programuara për datat 3 dhe 6 qershor.
Hasa, i cili u formua profesionalisht në akademinë e Juventusit, u ble verën e kaluar nga klubi i Napolit, ndërsa sezonin e fundit e mbylli në formë huazimi te skuadra e Carrarese-s.
Mesfushori pritet të kthehet te napolitanët për të nisur përgatitjet për edicionin e ri sportiv.
Në të kaluarën, lojtari ka përfaqësuar ekipet e moshave të Italisë, duke u shpallur edhe kampion Europe me kombëtaren e tyre U-19. Ky grumbullim shënon kështu kalimin e tij zyrtar në radhët e përfaqësueses kuqezi në nivelin e të rriturve.
