Kombëtarja e Shqipërisë ka pësuar një tjetër humbje minimale 1-0, këtë herë në miqësoren e zhvilluar në Valencia kundër Ukrainës.
Pas eliminimit nga Polonia në play off, kuqezinjtë u shfaqën sërish në vështirësi, duke u dominuar përgjatë gjithë takimit nga kundërshtari.
Goli që vulosi fatin e sfidës u shënua sapo nisi pjesa e dytë, në minutën e 46-të, nga sulmuesi Hutsuliak. Ky i fundit përfitoi nga një krosim i saktë për të dërguar topin në rrjetë me një goditje me kokë.
Ukraina pati mundësi të shumta për të dyfishuar rezultatin, por u ndal nga ndërhyrjet e Thomas Strakoshës dhe shtylla pingule.
Shqipëria u kundërpërgjigj vetëm në një rast me Qazim Laçin, goditja e të cilit u devijua me vështirësi nga portieri ukrainas.
UKRAINË-SHQIPËRI 1-0
Mbyllet ndeshja.
79’- Pranë barazimit Shqipëria, Uzuni ndalet nga portieri në momentin e fundit.
78’- Tjetër rast për Ukrainën. Hutsuliak godet rrjetën e jashtme.
70’- Me fat Shqipëria. Gjuajtja e Shaparenkos ndalet te shtylla.
46’- Gol Ukraina. Hutsuliak përfiton nga një krosim në zonë dhe shënon me kokë.
Mbyllet pjesa e parë.
41’- Gjuajtje e fortë nga Malinovksi nga goditja e dënimit. Grushton Strakosha.
39’- Hutsuliak merr një top në zonë dhe gjuan menjëherë, por topi shkon mbi traun e portës së Strakoshës.
35’- Hysaj kroson në zonë, por nuk shfrytëzohet. Ukrainasit largojnë rrezikun.
31’- Presing i shpejtë nga Ukraina. Shqipëria vuan për të dalë nga gjysmëfusha.
25’- Mundësia më e mirë për Shqipërinë. Broja merr një top të gjatë nga Pllana, por zhgënjen në momentin e fundit. Ndalet nga portieri.
22’- Pranë golit Ukraina me Voloshyn. Gjuajtja e tij ndalet me këmbë nga Strakosha.
17’- Shënon Ukraina me Yaremchuk me kokë, por anulohet për pozicion jashtë loje.
12’- Aksion i bukur i Shqipërisë nga e majta, Mitaj ndalet në momentin e fundit.
7’- Malynovski provon me një gjuajtje të fortë, por devijohet në këndore.
4’- Shkëndija e parë vjen nga Ukraina. Yaremchuk lëshon gjuajtje të fortë, por pret Strakosha.
0’- Starton sfida!
