Sulmuesi i Kombëtares shqiptare, Ernest Muçi, ka vazhduar formën e tij fantastike në Superligën turke duke shënuar një gol mjaft rëndësishëm për skuadrën e Trabzonsporit.
Në supersfidën e kësaj jave kundër gjigantëve të Fenerbahçes, 24-vjeçari shqiptar arriti të gjente rrugën e rrjetës që në minutën e 7-të të takimit. Muçi tregoi klasin e tij duke mbrojtur bukur topin në hyrje të zonës dhe më pas, me një goditje mjeshtërore në formë “parabele”, mposhti portierin kundërshtar që mbeti i shtangur.
SHIKONI GOLIN:
Ky gol i dha avantazhin e menjëhershëm skuadrës së Trabzonsporit, duke ndezur atmosferën në stadium në një nga ndeshjet më të nxehta të kampionatit. Për shqiptarin, ky ishte goli i 10-të sezonal në ligën elitare turke, një shifër mbresëlënëse që konfirmon pjekurinë e tij para portës.
Vlen të theksohet se Muçi po luan te Trabzonspori i huazuar nga Besiktas, por performancat e tij po tërheqin vëmendjen e shumë klubeve të mëdha evropiane.
