Partizani u rikthye te fitorja në kampionat, pas tre humbjeve radhazi. Të kuqtë triumfuan 2-1 ndaj Teutës, në duelin e javës së 20-të në stadiumin “Arena e Demave”.
Kryeqytetasit e mbyllën pjesën e parë në avantazh, pas golit të shënuar nga Rrok Toma në minutën e 32-të.
Fraksioni i dytë nisi me Teutën më kërkuese, me durrsakët që gjetën barazimin në minutën e 80-të, falë golit të shënuar nga Jazxhi.
SHIHNI GOLAT E SHËNUAR: https://vetemsport.com/golat-e-shenuar-ne-partizani-teuta/
Te Partizani nuk u dorëzuan dhe gjetën golin e fitores në minutën e 93-të. Pas një sulmi të shpejtë nga e majta, Xhuliano Skuka asistoi në zonë për Contreras, i cili shënoi golin e dytë dhe të fitores për “demat e kuq”.
SHIKONI RENDITJEN: RENDITJA E KATEGORISË SUPERIORE
Falë kësaj fitoreje, Partizani ngjitet në vendin e pestë me 26 pikë, po aq sa edhe Teuta, që ka zbritur në vendin e gjashtë.
