Sezoni i ri ka nisur shumë mirë për Taulant Seferin. Sulmuesi i Kombëtares, ka gjetur rrugën e rrjetës për Bodrumspor.
Në minutën e 20-të, lojtari kuqezi zhbllokoi takimin ndaj Sivasspor në transfertë.
Pas një shpërthimi nga e majta, Seferi lëshoi një gjuajtje të bukur me të majtën dhe e ndali në fundin e rrjetës.
Ky është goli i parë për Seferin këtë sezon në Turqi, teksa kujtojmë se luan në Ligën e Parë, pasi Bodrumspor nuk siguroi dot mbijetesën edicionin e kaluar.
