Arsenali e ka nisur me një fitore të rëndësishme sezonin në Premier League. Londinezët triumfuan minimalisht ndaj Manchester United në transfertë, në ndeshjen e vlefshme për javën e parë.
“Topçinjtë” iu falën një goli të shënuar nga Calafiori në pjesën e parë, i cili u shoqërua me kontestime për shtyrje të portierit vendas gjatë aksionit.
Në krahun tjetër, Manchester United ishte dominues gjatë gjithë kohës, duke iu afruar disa herë golit të barazimit, por pa sukses.
Arsenali e nis kështu sezonin me një fitore tejet të rëndësishme, ndërsa te “djajtë” rikthehen problemet e një sezoni më parë, që ishte një nga më të dobëtit e historisë.
Megjithatë te Manchester United mund të kënaqen me sinjalet pozitive në lojë, pasi ishin dominues për shumicën e kohës.
