Tirana dhe Vora nuk shkuan më shumë se barazimi 1-1 mes tyre, në duelin e javës së 20-të në Superiore.
Dy ekipet u detyruan të ndajnë nga një pikë, pas një ndeshjeje spektakolare dhe shumë të luftuar deri në fund.
Pjesa e parë u mbyll me rrjeta të paprekura, pavarësisht rasteve në të dyja portat. Në të dytën, Tirana e nisi ndeshjen më mirë dhe gjeti avantazhin me Ndong në minutën e 51-të.
Vendasit gjetën barazimin në minutën e 81-të, me Adeloye, i cili shënoi pas një topi të mbetur në zonë.
Në fund, Tirana ishte e pafat, pasi u ndal nga shtylla me Myslovic dhe tranversa me Ernest.
Me këtë barazim, Tirana mbetet në vendin e fundit me 14 pikë, ndërsa Vora renditet në vendin e gjashtë me 23 pikë.
SHIKONI RENDITJEN: https://vetemsport.com/renditja-e-kategorise-superiore/
