Klubi i futbollit Vllaznia ka vendosur të mos zhvillojë konferencë zyrtare për shtyp përpara ndeshjes kundër Dinamos.
Kjo praktikë po ndiqet prej disa javësh nga skuadra shkodrane, duke shmangur deklaratat publike përpara sfidave të rëndësishme.
Një vendim i tillë u aplikua edhe përpara ndeshjes me Egnatian, të cilën kuqeblutë e fituan me rezultatin 1-0. Stafi teknik dhe drejtuesit duket se po e përdorin këtë qetësi mediatike si një metodë për t’u përqendruar vetëm te përgatitjet në fushë.
Ky veprim po interpretohet si një lloj rregulli i ri i brendshëm pas rezultateve pozitive të fundit.
Përballja me Dinamon konsiderohet një moment delikat për ecurinë e ekipit në kampionat. Mbetet për t’u parë nëse kjo linjë komunikimi do të vazhdojë të aplikohet edhe në ndeshjet e ardhshme.
