Erzeni ndodhet në një krizë të thellë që rrezikon seriozisht pjesëmarrjen e ekipit në fazën e dytë të kampionatit në Kategorinë e Dytë.
Konfliktet e vazhdueshme midis shoqatës dhe drejtuesve të klubit kanë çuar në bllokimin e aktivitetit prej disa ditësh. Si pasojë e kësaj situate, drejtuesit aktualë dhe sponsorët janë tërhequr nga menaxhimi i skuadrës.
Lojtarët kanë bojkotuar seancat stërvitore në grup për disa ditësh, ndërsa së fundmi janë bindur tu rikthehen përgatitjeve.
Paqartësia institucionale ka bërë që pjesa dërrmuese e futbollistëve të kërkojnë prishjen e kontratave dhe largimin drejt ekipeve të tjera.
Aktualisht, ekipi rrezikon shpërbërjen e plotë nëse nuk arrihet një zgjidhje e menjëhershme administrative. Burime brenda klubit bëjnë me dije se situata mbetet e bllokuar për shkak të mosmarrëveshjeve për pronësinë dhe drejtimin, por lajmi i mirë për momentin është rikthimi i skuadrës në stërvitje, falë punës së madhe nga drejtuesit aktualë.
