Skuadra e Vllaznisë për vajza është e pathyeshme. Shkodranet siguruan titullin e 13-të kampion radhazi, pasi arritën të triumfonin me rezultatin 2-0 ndaj Apolonisë Apolonisë.
Sfida u zhbllokua në pjesën e parë nga sulmuesja Megi Doçi, përpara se Teresa Deda të vuloste fitoren dhjetë minuta përpara përfundimit të kohës së rregullt.
Përmes këtij suksesi, skuadra shkodrane konfirmon statusin e saj si forca kryesore e futbollit të femrave në vend.
Ky ekip meriton mbështetje më të madhe. Pas zhgënjimit me ekipin e meshkujve, shkodranët mund të festojnë me ekipin e vajzave.
