Trajneri Orges Shehi ka vendosur të mos rinovojë kontratën e tij me skuadrën e Tiranës për sezonin e ardhshëm.
“Vetëm Sport” ky vendim erdhi pas një takimi të zhvilluar mes teknikut dhe drejtuesve të klubit, ku palët nuk arritën të gjenin gjuhën e përbashkët për kushtet e bashkëpunimit.
Paralelisht me largimin e trajnerit, nga kampi bardheblu pritet të ndahet edhe sulmuesi kryesor Redon Xhixha.
Situata rreth të ardhmes së dy protagonistëve mbetet në zhvillim e sipër, ndërsa detaje të reja priten të zbulohen në vijim. Kujtojmë se emërimi i Shehit në pankinë dhe afrimi i Xhixhës gjatë merkatos së dimrit rezultuan vendimtarë për ecurinë e skuadrës.
Falë kontributit të tyre, ekipi kryeqytetas arriti të siguronte qëndrimin në elitën e futbollit shqiptar në edicionin e fundit.
