Vllaznia fitoi 1-0 ndaj Teutës në Durrës, në ndeshjen e javës së 22-të të Superiores. Goli i vetëm i takimit u shënua nga Esat Mala në minutën e 9-të.
Shkodranët administruan avantazhin gjatë gjithë takimit, duke përballuar presionin e vendasve në pjesën e dytë. Teuta tentoi të reagojë me disa raste, por nuk arriti të konkretizojë.
Ndeshja u shoqërua me episode të shumta në minutat e fundit, përfshirë kartonin e kuq për Çelikoviç dhe një goditje dënimi në traversë.
Me këtë sukses, Vllaznia regjistron fitoren e pestë radhazi. Shkodranët kryesojnë renditjen me 42 pikë. Teuta mbetet në vendin e gjashtë me 27 pikë.
