Redon Xhixha është zyrtarisht lojtar i Tiranës, duke u rikthyer te klubi ku ka luajtur më parë.
Sulmuesi pritet të jetë një alternativë shtesë në repartin ofensiv, në një moment të vështirë për skuadrën bardheblu.
Prezantimi i tij u realizua përmes një videoje të veçantë të publikuar nga klubi. Në fillim të videos, Xhixha shprehet se nuk i bëhet të largohet nga Tirana.
Më pas, ai i përgjigjet një telefonate nga klubi dhe konfirmon rikthimin e tij. Futbollisti thekson se kishte paralajmëruar më herët se do të kthehej një ditë te Tirana.
Videoja shoqërohet me mbishkrimin që nënvizon lidhjen e tij me fanellën bardheblu. Rikthimi i Xhixhës shihet si pjesë e përpjekjeve të klubit për të përmirësuar situatën aktuale.
