Pas firmosjes me Redon Xhixhën, Tirana është shumë pranë arritjes së një marrëveshjeje edhe me mesfushorin Endri Çekiçi.
Lojtari ka qenë më parë pjesë e të njëjtit ekip me Xhixhën gjatë eksperiencës së tyre në Algjeri.
Sipas “Albanian Talents”, kontaktet mes palëve janë intensifikuar ditët e fundit. Çekiçi po vlerëson mundësinë e rikthimit në kampionatin shqiptar.
Mesfushori pritet të martohet gjatë verës, çka e bën këtë vendim edhe më të rëndësishëm për të. Përveç Tiranës, interes për shërbimet e tij kanë shfaqur edhe Egnatia dhe Flamurtari.
Situata pritet të qartësohet në ditët në vijim, me palët që po analizojnë opsionet konkrete.
