Dinamo ka nisur punën për blindimin e boshtit të skuadrës, duke zyrtarizuar marrëveshjet e reja me futbollistët kryesorë të sezoneve të fundit.
Pas akordeve verbale të arritura kohë më parë me disa nga emrat më të rëndësishëm të organikës, tashmë ka filluar edhe hedhja e firmave mbi kontrata.
Lëvizja e parë zyrtare ka qenë ajo e kapitenit Bruno Dita, i cili pranoi të zgjasë bashkëpunimin me blutë edhe për një tjetër edicion.
Ky rinovim i siguron trajnerit Ilir Daja një nga elementët më cilësorë dhe me më shumë përvojë në repartin e mesfushës.
Përmes një njoftimi në faqen zyrtare, pas takimit me presidentin Adrian Bardhi, klubi kryeqytetas shprehu kënaqësinë për qëndrimin e kapitenit, duke theksuar se synimi i përbashkët mbetet rikthimi i 18 herë kampionëve të vendit te trofetë e rëndësishëm.
