Belgjika dhe Egjipti barazuan 1-1 mes tyre, në supersfidën e grupit G në Botëror.
Siç edhe pritej, ishte një ndeshje spektakolare, veçanërisht në pjesën e dytë, me raste në të dyja portat.
Egjiptianët kaluan të parët në avantazh në minutën e 19-të, me një supergol të shënuar nga Ashour.
Pjesa e parë u mbyll me këtë rezultat, ndërsa e dyta nisi me belgët në sulm. De Bruyne u ndal nga shtylla, ndërsa barazimi erdhi me një autogol në minutën e 66-të.
Në tentativë për të ndalur Lukakun, Hany e dërgoi topin në portën e tij. Rezultati nuk ndryshoi, pavarësisht rasteve të shumta të krijuara.
Në fund, Belgjika dhe Egjipti u detyruan të ndajnë nga një pikë mes tyre.
