Joel Doku është lojtari i ri i Teutës. Klubi bregdetar ka njoftuar afrimin e sulmuesit, i cili pak muaj më parë u largua nga Elbasani.
“Sulmuesi nga Bregu i Fildishtë, Joel Doku, i bashkohet Teutës pas 3 viteve eksperiencë në kampionatin shqiptar me skuadrat e Egnatias dhe Elbasanit.
22 vjeçari pritet të forcojë repartin ofensiv të skuadrës tonë dhe të sjellë më shumë intensitet në sulm. Një vlerë e shtuar për Teutën”, thuhet në njoftimin e Teutës.
Kujtojmë se kur Joel u largua nga Elbasani, u përfol se ai kishte probleme me zemrën dhe klubi verdheblu nuk donte të rrezikonte.
