ZYRTARE/ Egnatia prezanton trajnerin e ri, zbulohet pasuesi i Tetovës

Klubi i Egnatias ka zyrtarizuar emërimin e Nevil Dedes si trajnerin e ri të skuadrës. 

Tekniku e kishte konfirmuar arritjen e marrëveshjes që mbrëmjen e djeshme, ndërsa sot erdhi edhe prezantimi zyrtar nga ana e klubit rrogozhinas. 

Dede merr drejtimin e ekipit si pasardhës i Edlir Tetovës, duke nisur kështu një kapitull të ri në karrierën e tij. Në njoftimin e shpërndarë, Egnatia thekson se ky rrugëtim nis me ambicie të mëdha dhe objektiva të qarta për pjesën e mbetur të sezonit. 

Klubi i uroi mirëseardhjen trajnerit të ri, duke shprehur besimin për sukses në këtë sfidë të re profesionale. 

Ky ndryshim në pankinë vjen në një moment kyç për ecurinë e skuadrës në kampionat.