Klubi i Elbasanit ka zyrtarizuar blerjen më të re në merkaton e verës, duke prezantuar sulmuesin e talentuar Ledjo Tresa.
20-vjeçari, i cili është edhe pjesë e Kombëtares Shqiptare U-21, vjen te verdheblutë si lojtar i lirë, pasi mbylli kontratën e tij trevjeçare me Laçin.
Përpara se të nënshkruante me elbasanasit, Tresa ishte pranë kalimit te Partizani, por marrëveshja dështoi në momentet e fundit.
Ky afrim konfirmon strategjinë e Elbasanit për të rindërtuar tërësisht repartin ofensiv, ku më parë janë prezantuar edhe sulmuesit Ardit Nikaj, dhe Rubin Hebaj.
Këto lëvizje të shumta në hyrje vijnë si pasojë e revolucionit që pritet të ndodhë në sulm, pasi emra si Tsage, Lajthia, Ze Gomesh dhe Karim Loukili janë në rrugën e largimit nga skuadra.
