Vitet e fundit futbollistët shqiptarë po shkelin në kampionate e kontinente ku nuk kanë qenë kurrë më parë dhe sot e ka pasur radhën Endri Çekiçi të ndryshojë kontinent.
Mesfushori 28-vjeçar është prezantuar tek Belouizdad, një ndër klubet më të rëndësishëm në Algjeri.
Në këtë mënyrë, ish-futbollisti i Adanspor le Turqinë pas 5 vitesh dhe transferohet në Afrikë.
Në të njëjtin ekip ka firmosur pak javë më parë edhe ish-sulmuesi i Laçit dhe Tiranës, Redon Xhixha, i cili mbylli aventurën në Azerbajxhan me Qarabag në fund të sezonit të shkuar.
