Jasir Asani ka përshpejtuar transferimin e tij në Iran, duke iu bashkuar Esteghlalit, klubit më të madh dhe më të titulluar në këtë vend.
Fillimisht pritej që sulmuesi i kombëtares shqiptare të transferohej në janar, pas përfundimit të kontratës me Gwangju në Korenë e Jugut.
Megjithatë, Esteghlal vendosi të paguante 1 milion dollarë për ta liruar menjëherë lojtarin nga detyrimet kontraktuale. Asani ka firmosur një marrëveshje me kushte financiare më të favorshme se ato të klubeve të tjera që ishin të interesuara për të.
Me Gwangjun, ai realizoi 8 gola në 21 ndeshje këtë sezon. Ky transferim ngre pikëpyetje mbi rolin e tij në të ardhmen e kombëtares shqiptare.
Asani ishte një nga protagonistët kryesorë të kualifikimit në “Euro 2024”, por së fundmi nuk është aktivizuar nga trajneri Silvinjo në eliminatoret e “Botërorit 2026”.
