Klubi i Bylisit ka njoftuar zyrtarizimin e tre futbollistëve të rinj vetëm pak orë përpara sfidës çerekfinale të Kupës së Shqipërisë.
Pedro Vieira, Tomás Castro dhe Olavio janë lojtarët që i janë bashkuar zyrtarisht ballshiotëve për vazhdimin e sezonit.
Trajneri Mirel Josa do të ketë mundësinë t’i aktivizojë afrimet e reja që në takimin e sotëm që nis në orën 13:30. Klubi synon të rrisë konkurrencën dhe cilësinë në grup për të tentuar kualifikimin në gjysmëfinale.
Të tre futbollistët nisin kështu një aventurë të re në karrierën e tyre në elitën e futbollit shqiptar.
