Tirana ka ndërprerë bashkëpunimin me trajnerin Ardian Nuhiu. Tri humbje radhazi në kampionat dhe Kupë rezultuan vendimtare për këtë vendim. Klubi bëri të ditur se ndarja është arritur me marrëveshje të dyanshme.
Drejtuesit nuk humbën kohë dhe menjëherë kanë zgjedhur trajnerin e ri. Siç zbuloi më herët “Vetëm Sport” ekskluzivisht, drejtimi i është besuar Orges Shehit, i cili ka konfirmuar arritjen e akordit.
“Ishte zgjedhje zemre dhe tifozllëku. Do të përpiqemi të kalojmë këtë situatë kritike.Tirana nuk e meriton këtë situatë dhe këtë pozicion”, theksoi ai shkurtimisht.
Kontrata paraprake do të jetë deri në fund të sezonit, për tu përpjekur të kalojë këto vështirësi dhe më pas do të diskutohet për një rinovim të mundshëm.
