Elvis Rexhbeçaj ka zyrtarizuar rikthimin e tij te Wolfsburg, duke nënshkruar një kontratë katërvjeçare me klubin e tij të vjetër.
Mesfushori i Kosovës vjen pas një aventure mjaft pozitive tek Augsburg, ku stabiliteti dhe performanca e tij bindën drejtuesit e “Ujqërve” për t’i besuar një vend në mesfushë për sezonet e ardhshme.
Edhe pse 28-vjeçari ishte një lojtar kyç për Augsburgun, palët vendosën të mos rinovonin kontratën që skadon këtë verë.
Drejtori sportiv i Augsburg, Benni Weber, u shpreh me mirënjohje për profesionalizmin e lojtarit, duke theksuar se Rexhbeçaj dha gjithçka për ekipin deri në fund.
Mesfushori do të përshëndetet me tifozët e tij aktualë në ndeshjen e fundit në shtëpi kundër Borussia Monchengladbach më 9 maj, për të nisur më pas kapitullin e ri në Bundesliga me fanellën e Wolfsburgut.
