Rey Manaj nuk do të jetë më pjesë e futbollit turk. Sulmuesi i Kombëtares shqiptare ka zyrtarizuar kalimin e tij në kampionatin e Emirateve të Bashkuara Arabe, ku do të luajë për skuadrën e Sharjah. Marrëveshja mes palëve është finalizuar pas disa javësh negociatash intensive, që në fund rezultuan të suksesshme si për lojtarin, ashtu edhe për klubin e tij të mëparshëm, Sivaspor.
LEXO EDHE: Manaj shpërthen pas largimit nga Sivasspor: Kam duruar shumë, nuk mund të njolloset…
Manaj ka nënshkruar një kontratë dyvjeçare me Sharjah, që do të jetë e vlefshme deri në verën e vitit 2027. Sivaspor, që sezonin e ardhshëm do të garojë në Ligën e Parë të Turqisë, ka pranuar ofertën prej 2 milionë eurosh, pas refuzimit të një shume më të ulët prej 1.5 milionë eurosh. Nga ana tjetër, lojtari shqiptar do të përfitojë 2.5 milionë euro në sezon nga kjo marrëveshje, duke e kthyer atë në një nga lojtarët më të paguar në skuadrën e re.
