Fatih Tekke nuk do të jetë më në krye të pankinës së Trabzonspor pas vendimit të fundit të drejtuesve.
Klubi turk vendosi ta shkarkojë nga detyra 48-vjeçarin menjëherë pas humbjes së pësuar përballë Amedspor.
Tekke e kishte marrë drejtimin e skuadrës nga Trabzoni që prej marsit të vitit 2025. Gjatë kësaj periudhe, ai e udhëhoqi ekipin në gjithsej 62 ndeshje zyrtare në të gjitha kompeticionet.
Bilanci i tij në stol mbyllet me 35 fitore, 14 barazime dhe 13 humbje përpara se të zyrtarizohej “divorci”.
Ky zhvillim lë pa trajner edhe sulmuesin e Kombëtares Shqiptare, Ernest Muçi, i cili luan te skuadra turke, së bashku me Mohamed Salah që u afrua në verë.
Ndërkohë, drejtuesit e Trabzonspor kanë nisur menjëherë kërkimet për të gjetur zëvendësuesin e duhur në stol.
