Marsel Ismajlgeci do të vazhdojë karrierën në Superligën e Kosovës. Mbrojtësi i majtë ishte pa ekip, pas largimit nga Ballkani, ndërsa së fundmi është prezantuar te Drita e Gjilanit.
U përfol për një transferim te Shkëndija, por kjo nuk u realizua për shkak se nuk kishte akord për termat financiarë.
Në këtë situatë, Ismajlgeci mbeti i lirë dhe në kërkim të një skuadre të re. Disa klube nga Superiorja shfaqën interes konkret, por një akord nuk u arrit.
Nga kjo përfitoi Drita, që nxitoi për të siguruar firmën me Ismajlgecin.
