Armando Broja nuk arriti të lërë shenjë si titullar në humbjen 3-1 që Burnley pësoi në transfertë ndaj West Bromwich Albion.
Sulmuesi shqiptar pati vetëm një rast të mirë shënimi pas një kontrolli të mirë të topit, por nuk arriti ta dërgonte në rrjetë. Pjesa tjetër e aktivizimit të tij u shoqërua me pasime të gabuara dhe topa të humbur në mesfushë.
Këto shkaktuan edhe pakënaqësi te trajneri i skuadrës gjatë zhvillimit të lojës. Si rrjedhojë e kësaj paraqitjeje, 22-vjeçari u zëvendësua në minutën e 57-të të takimit.
Ndeshja përkonte me mungesën e sulmuesit kryesor Zian Flemming, i cili nuk ishte grumbulluar fare me ekipin. Mosprania e Flemming ka ngritur pikëpyetje në mediat angleze mes një dëmtimi të mundshëm apo një largimi të afërt nga klubi.
Gjithsesi, kjo përballje zbehu pozitat e Brojës në garën për një vend formacioni te Burnley.
