Kur kanë mbetur vetëm pak orë nga përballja me Teutën, Federata Shqiptare e Futbollit ka dhënë dritën jeshile për federimin e afrimeve të verës te Tirana. Përmes këtij vendimi, trajneri Dean Klafuriv do të ketë menjëherë në dispozicion edhe 10 futbollistë të tjerë.
Të federuarit e ditës së sotme janë Hugo Fresneda, Jozef Colley, Patrik Staniç, Leonat Vitija, Bojan Ilievski, Ardit Krymi, Bernard Berisha, Erdon Daci, Tomislav Kis dhe Drilon Hazrollaj.
Me këto përforcime, numri i lojtarëve të gatshëm në organikën e bardhebluve arrin në 26. Këtyre emrave u bashkohen edhe futbollistët e federuar më parë si Bekaj, Kuka, Vera, Ndong, Vogli, Meta, Alvarez, Mysloviç, Xhixha, Tare, Prendi, Qerimaj, Bami, Cali, Lika dhe Maci.
Kjo situatë i jep stafit teknik luksin e zgjedhjeve për formacionin, ndërsa disa elementë do të detyrohen ta ndjekin sfidën nga tribuna. Tashmë bardheblutë udhëtojnë të kompletuar drejt Durrësit për të kërkuar pikët e plota ndaj bregdetarëve.
