Anis Mehmeti po kalon një moment të ndërlikuar te Ipswich Town, ku përveç humbjes së vendit të titullarit përfundoi në tribunë gjatë javës së parë.
Kjo situatë nxiti menjëherë interesimin e disa klubeve të njohura në Angli për shërbimet e tij. Pavarësisht ofertave konkretë nga Wrexham dhe Birmingham, mesfushori me tipare sulmuese ka vendosur t’i refuzojë këto pista.
25-vjeçari kuqezi kërkon të qëndrojë në Premier League dhe të luftojë me çdo kusht për një vend në formacion. Nga ana tjetër, drejtuesit e Ipswich-it janë shprehur të gatshëm ta shesin kartonin e tij nëse vjen një ofertë prej 10 milionë eurosh.
Mehmeti u transferua këtë vit te klubi anglez, ku dha një kontribut të rëndësishëm në arritjen e objektivit për t’u ngjitur në elitë.
Këto dy ditë të fundit të dritares së transferimeve do të jenë vendimtare për të mësuar nëse lojtari do të bindë stafin teknik apo do të ketë një kthesë të minutës së fundit.
