Jorge Jesus është trajneri i ri i Portugalisë. Federata ka zyrtarizuar emërimin e 71-vjeçarit, që pason në stol Roberto Martinez.
Ish-tekniku i Benfica-s dhe Al Nassr do të udhëheqë përfaqësuesen portugeze në kompeticionet e ardhshme, me një kontratë të vlefshme deri në Botërorin e vitit 2030.
Ndryshimi në staf teknik pason eliminimin e Portugalisë nga Spanja në fazën e 1/8-ve të Botërorit, ndeshje e cila shënoi edhe turneun e fundit madhor për Cristiano Ronaldo-n.
Começa hoje um novo caminho. Bem-vindo à Seleção Nacional, Mister Jorge Jesus. 🇵🇹 #ViemosParaVencer pic.twitter.com/B9Re2bCuAa
— Portugal (@selecaoportugal) July 10, 2026
Drejtuesit e federatës vlerësuan se skuadra ka nevojë për një cikël të ri dhe eksperienca e Jesus u konsiderua si alternativa e duhur. Trajneri i ri ka një njohje të gjerë të futbollit vendas, duke pasur parasysh karrierën e tij të mëparshme me klube si Braga, Benfica dhe Sporting Lisbonë.
Gjithashtu, ai numëron eksperienca të suksesshme jashtë vendit, ku spikasin angazhimet me skuadra si Fenerbahce, Flamengo, Al Hilal dhe Al Nassr.
