Agim Ibraimi ka vendosur të largohet nga Partizani, vetëm pak muaj pasi u emërua drejtor sportiv.
Ish-sulmuesi i njohur i ka paraqitur dorëheqjen presidentit Gazment Demi, për shkak të mosmarrëveshjeve lidhur me autonominë në vendimmarrje për ndërtimin e skuadrës së re.
Pavarësisht se stafi drejtues kishte nisur përgatitjet për sezonin e ardhshëm, ndërhyrjet në kompetencat e tij kanë shtyrë Ibraimin të rishikojë qëndrimin te të kuqtë.
Vendimi përfundimtar lidhur me këtë situatë i takon tashmë kreut të klubit, i cili duhet të vendosë nëse do ta pranojë largimin.
Kjo lëvizje e mundshme e detyron Partizanin të kërkojë një drejtues të ri për merkaton, duke pasur parasysh ndryshimet e shpeshta në këtë post kohët e fundit.
Ndërkohë, e ardhmja e Ibraimit mbetet ende për t’u përcaktuar nëse do të jetë brenda apo jashtë vendit.
