Skënderbeu ka nisur me përforcimet në merkato. Këtë të martë, korçarët kanë prezantuar dy afrime të reja.
Bëhet fjalë për një sulmues dhe një mesfushor. I pari ishte Amadou Diallo. 23-vjeçari luan si sulmues i majtë, është produkt i akademisë së West Ham United. Debutimi i tij me Newcastle në Premier League kundër Chelsea-t, si dhe eksperiencat te Bordeaux e Oliveirense, konfirmojnë cilësinë e lartë që ai do t’i shtojë repartit ofensiv.
Lojtari tjetër është Xhemil Jahiji. Mesfushori 23 vjeçar shkupjan së fundmi ka luajtur në Kroaci me ekipin NK Croatia Zmijavci, teksa më parë ka qenë pjesë e Arsimit, Voska Sport dhe Shkëndija në Maqedoninë e Veriut.
/CNA
