Sulmuesi i Kombëtares, Indrit Tuci do të vazhdojë karrierën te skuadra e Olimpija Ljubljana.
26-vjeçari zgjodhi të firmosë një kontratë dyvjeçare me kampionët sllovenë pasi u largua si lojtar i lirë nga Sparta e Pragës.
Tuci do të provojë një aventurë të re në Slloveni, pasi ka lënë shenjë në kampionate si ai kroat, çek dhe turk.
Te skuadra e re, Tuci do të gjejë dhe një shqiptar tjetër, Marvin Çunin, i cili u bashkua me sllovenët në merkato.
Një aventurë e re për sulmuesin e Kombëtares, që shpreson të rikthehet të forma e dikurshme, e cila i solli edhe ftesën për në Kombëtare.
