Sulmuesi norvegjez Elias Aarflot ka mbyllur aventurën e tij me skuadrën e Skënderbeut, ku u transferua gjatë merkatos së janarit të këtij viti.
Pas një periudhe të shkurtër aktivizimi në kampionatin shqiptar, 22-vjeçari ka ndryshuar ambient duke u zhvendosur në Kosovë.
Klubi i Trepçës ka konfirmuar zyrtarisht arritjen e marrëveshjes me lojtarin për edicionin e ri futbollistik. Përmes një komunikate në kanalet zyrtare, drejtuesit e klubit mitrovicas shprehën besimin se afrimi i tij do të rrisë forcën e repartit ofensiv.
Sulmuesi mbante veçantinë e të qenit futbollisti i parë nga Norvegjia që luante në Shqipëri.
