Tirana ka zyrtarizuar transferimin e mbrojtësit të majtë spanjoll, Hugo Fresneda.
18-vjeçari vjen në Shqipëri pas një periudhe të gjatë aktivizimi në akademinë e Mallorcas, ku së fundmi ishte pjesë e ekipit të moshave U-19.
Performanca e tij përgjatë këtij viti kishte tërhequr vëmendjen e mediave në vendlindje, si dhe interesimin e disa klubeve nga elita e futbollit spanjoll.
Lojtari kishte një kontratë të vlefshme me ish-klubin e tij deri në vitin 2027, ndërsa më parë kishte refuzuar edhe një ofertë për t’u bërë pjesë e akademisë së Sevillas.
Tashmë mbrojtësi do të nisë një etapë të re në karrierën e tij profesionale në kampionatin shqiptar. Nga ana tjetër, drejtuesit e Tiranës janë duke punuar për të mbyllur të tjera lëvizje në merkato gjatë ditëve në vijim.
NJOFTIMI I KLUBIT:
Hugo Fresneda Hidalgo është bardheblu.
KF Tirana ka kënaqësinë të njoftojë afrimin e mbrojtësit spanjoll Hugo Fresneda Hidalgo, i cili i bashkohet klubit për sezonin 2026/27.
18-vjeçari vjen nga akademia e RCD Mallorca, ku është zhvilluar futbollistikisht, përpara se të nisë aventurën e tij të parë jashtë Spanjës me fanellën bardheblu.
Mirë se erdhe në KF Tirana, Hugo! Të urojmë suksese!
