Ernest Muçi mund të transferohet në Premier League në këtë merkato vere.
Sulmuesi i Kombëtares shqiptare u ble nga Tranbzonspor pak javë më parë për 8.5 milionë eurio nga Besiktas. Megjithatë, aventura te ky klub mund të mbyllet më herët sesa ishte parashikuar.
Sipas raportimeve të fundit nga Turqia, Aston Villa ka shfaqur interes konkret për 24-vjeçarin. Klubi anglez thuhet se po përgatit një ofertë prej rreth 25 milionë eurosh, e cila mund të shoqërohet edhe me bonuse të lidhura me paraqitjet dhe sukseset e lojtarit.
Aston Villa kishte nisur më herët kontaktet përmes ndërmjetësve, ndërsa tani pritet të paraqesë një ofertë zyrtare te Trabzonspor.
Klubi anglez ka treguar interes për shqiptarin edhe në të kaluarën, kur ai ishte pjesë e Legia Varshavës, apo edhe gjatë kohës kur luante për Besiktas.
