Portieri Gentian Selmani i ka dhënë lamtumirën skuadrës së Teutës për të nisur një kapitull të ri te Ballkani në Superligën e Kosovës.
Klubi nga Suhareka ka zyrtarizuar arritjen e marrëveshjes me gardianin që ka qenë disa herë pjesë e grumbullimeve të Kombëtares shqiptare.
Selmani doli jashtë planeve të bregdetarëve pas ardhjes së Edlir Tetovës në stol. 28-vjeçari i lindur në Krujë ka një përvojë të pasur në kampionatin shqiptar dhe atë turk me Menemen FK e Boluspor.
Gjatë edicionit 2025/26 me Teutën, ai ishte gardiani kryesor duke regjistruar 40 paraqitje në të gjitha kompeticionet. Ballkani shikon te 28-vjeçari një element me mjaft përvojë për të blinduar përfundimisht katërkëndorin e portës.
Kalimi i tij te kampionët e Kosovës konsiderohet si një goditje e rëndësishme e merkatos së verës. Me këtë nënshkrim, portieri krutan rikthehet të luajë sërish në nivelet më të larta të futbollit mbarëshqiptar.
