Jasir Asani ka realizuar një supergol nga distanca për skuadrën e tij Esteghlal, por ka mbetur i shtangur pasi ai u anulua për pozicion jashtë loje.
Sfida e vlefshme për fazën 1/8 të Champions League 2 aziatik kundër Al Hussein u vendos nga detajet dhe fati.
Sulmuesi i kombëtares shqiptare tundi rrjetën në minutën e 53-të me një goditje spektakolare, por sistemi VAR konfirmoi pozicionin e tij të parregullt. Vetëm dhjetë minuta më vonë, Esteghlalit iu anulua edhe një gol tjetër për të njëjtën arsye, duke rënduar situatën psikologjike të ekipit.
Al Hussein përfitoi nga këto momente për të shënuar golin e fitores 0-1, duke marrë një avantazh të madh. Asani qëndroi në fushë për 89 minuta, duke qenë rreziku kryesor për mbrojtjen kundërshtare gjatë gjithë kohës.
Ndeshja e kthimit do të zhvillohet më 17 shkurt në Jordani, ku do të përcaktohet edhe ekipi që kalon në çerekfinale. Shpresa mbetet e hapur për një përmbysje të mundshme në takimin e dytë.
