Orges Shehi është trajneri i ri i Prishtinës. Pas largimit nga Tirana, tekniku do të drejtojë në Kosovë.
Klubi i Prishtinës ka njoftuar emërimin e Shehit, nëpërmjet një video në rrjetet sociale, ku i uron mirëseardhjen.
Shehi u rikthye te Tirana në muajin shkurt dhe ia doli të siguronte mbijetesën. Megjithatë palët nuk arritën dot një akord për të rinovuar.
Në këtë situatë, Shehi vendosi të rikthehet në Superligën e Kosovës, ku më parë ka drejtuar Ballkanin.
