Trajneri Nevil Dede do të vazhdojë drejtimin e skuadrës së Egnatias të paktën edhe për një sezon tjetër, duke konfirmuar zyrtarisht vazhdimësinë e projektit teknik te klubi kampion i Shqipërisë.
Tekniku, i cili iu bashkua rrugëtimit të rrogozhinasve në muajin maj, arriti një sukses historik duke fituar të gjitha ndeshjet e fazës “Final Four” dhe duke siguruar titullin e tretë kampion radhazi për klubin.
Ndërkohë, paralelisht me konfirmimin e trajnerit, Egnatia ka njoftuar ndërprerjen e parakohshme të bashkëpunimit me sulmuesit e krahut të djathtë, Kastriot Selmani.
Futbollisti 26-vjeçar u transferua verën e kaluar nga skuadra e Dritës dhe kishte një kontratë të vlefshme deri në vitin 2027. Përgjatë edicionit futbollistik, sulmuesi nga Podujeva regjistroi 42 paraqitje zyrtare në të gjitha kompeticionet, duke kontribuar me dy gola të shënuar dhe tre asistime për shokët e skuadrës.
