Ditmar Bicaj është trajneri i ri i Lushnjes. Marrëveshja mes palëve është arritur, ndërsa ka ardhur edhe firma në kontratë.
Prezantimi do të bëhet ditën e hënë, kur 36-vjeçari do të zhvillojë edhe stërvitjen e parë me ekipin.
Bicaj e merr drejtimin e Lushnjës pas pesë javësh, ku verdhejeshilët kanë njohur vetëm barazime. I fundit i regjistruar të premten e kaluar, kur lushnjarët barazuan 1-1, në transfertë me Besën.
Skuadra u drejtua nga zëvëndëstrajneri Ledion Ruço dhe për të katërtën herë radhazi barazoi me shifrat, 1-1.
Lushnja do të jetë ekipi i dytë për trajneri Ditmar Bicaj. Sezonin e kaluar 36-vjeçari drejtoi Burrelin duke arritur rezultatet mbresëlënëse.
