Më 2 tetor pritet të zhvillohet një mbledhje e përbashkët e FIFA-s dhe UEFA-s ku do të diskutohet e ardhmja e futbollit izraelit.
Në qendër të vendimit është çështja e përjashtimit ose jo të ekipeve izraelite nga garat ndërkombëtare dhe evropiane. Mbledhja është thirrur pas presionit të vazhdueshëm dhe reagimeve nga komuniteti ndërkombëtar.
Pritet që të gjitha federatat anëtare të dy organizatave të marrin pjesë dhe të japin votën e tyre. Sipas “Israel Haymon”, një numër vendesh kanë shprehur mbështetje për qëndrimin e Izraelit në garat ndërkombëtare.
Mes tyre renditen Gjermania, Shqipëria, Çekia, Armenia dhe Gjeorgjia. Nga ana tjetër, shumica e vendeve duket se mbështesin përjashtimin. Ekzistojnë edhe disa federata që ende nuk kanë shpallur një pozicion përfundimtar.
Kroacia, Sllovenia, Danimarka dhe Zvicra konsiderohen mes vendeve që nuk kanë vendosur ende. Ky vendim shihet si një prej më të rëndësishmëve të viteve të fundit në futbollin evropian dhe ndërkombëtar. Gjithçka do të sqarohet në mbledhjen e së enjtes.
