Skuadra e Vllaznisë e mbylli fazën “Final Four” në vendin e tretë të klasifikimit pas tri humbjeve radhazi, duke dështuar në objektivin për fitimin e titullit kampion.
Ky rezultat pritet të sjellë ndryshime rrënjësore në klubin shkodran, duke nisur që nga stafi teknik.
Kontrata e trajnerit Edi Martini dhe ndihmësve të tij përfundon zyrtarisht ditën e nesërme, ndërsa drejtuesit e klubit nuk kanë marrë ende një vendim nëse do të ketë një rinovim apo do të zgjidhet një emër i ri për pankinën.
Përveç ecurisë në fushë, Vllaznia përballet edhe me pasigurinë e kontratave të futbollistëve.
Një numër i konsiderueshëm lojtarësh janë në prag të përfundimit të marrëveshjeve të tyre aktuale dhe kanë marrë oferta nga skuadra të tjera.
Vështirësitë financiare të shfaqura gjatë këtij sezoni mund të ndikojnë që këta lojtarë të refuzojnë rinovimet, duke e detyruar klubin të nisë një revolucion të plotë në përbërjen e organikës gjatë merkatos së verës.
