Ndonëse tifozët kërkonin largimin, te Vllaznia mendojnë ndryshe. Klubi ka vendosur të rinovojë kontratën me trajnerin Edi Martini.
Në njoftimin e klubit, thuhet se trajneri ka firmosur për dy sezone të tjera.
Pas dështimit në “Final Four”, tifozët kërkuan largimin e Martinit. Megjithatë, te Vllaznia duket se kanë mbetur të kënaqur me punën e trajnerit.
NJOFTIMI I KLUBIT:
KF Vllaznia dëshiron të njoftojë se ka arritur akordin me trajnerin Edi Martini për të qenë pjesë e rrugëtimit tonë të përbashkët edhe për dy sezonet e ardhshme.
