Arrihet marrëveshja me Lille, zbulohet skuadra e re e Zhegrovës

E ardhmja e Edon Zhegrovës do të jetë në Itali, më saktë te Juventusi. Klubi italian ka arritur akordin me Lille, për transferimin e sulmuesit.

Marrëveshja mes torinezëve dhe sulmuesit ishte arritur prej kohësh, ndërsa pritej vetëm drita jeshile nga Lille, e cila ka ardhur, sipas ekspertit të merkatos Fabrizio Romano.

Zhegrova pritet të udhëtojë në orët e ardhshme drejt Italisë, për vizitat mjekësore dhe firmën në kontratë.

Sulmuesi i Kosovës kishte vetëm një vit të mbetur në kontratë me Lille-n, me klubin francez që rrezikonte ta humbiste falas pas një viti.

Hap i madh në karrierë për Zhegrovën, që transferohet në një nga klubet më të mëdha italiane dhe europiane.  

/tvklan.al